الســــــــــــلام عليكم...
ازيكم يا جماعه ...
دى حاجه كده جات ف بالى و كنت عايزة اعرف حلها
و اشمعنى موجوده فينا احنا بس ؟؟؟
انت ليه بتقول ع الاجانبنهم كفرا ؟؟
مع ان فيه مسلمين لا بيصلوا و لا بيركعوها..
و الصلاه عماد الدين يعنى ..
يعنى ما عندهمش اساس للدين
~~~~~~~~~~~~
ليه بتقول عليهم سفله و متفتحين فى موضوع
اللبس و خصوصا البنات هناك؟؟
مع ان فيه بنات مسلمات و بتلبس لبس ضيق اخر حاجه
يمكن يستفز اكتر من اللى لابسه مبين جسمها..
~~~~~~~~~~~~~~~~~~
ليه بتلومهم لما ياكلوا لحم الخنزير المحرم؟
مع ان فيه مسلمين بياكلوا مال حرام
سواء ربا او مال يتيم او رشوة او او او ...!!
ما ده حرام و ده حرام...
~~~~~~~~~~~~~~~
طيب انت ليه بتقول عليهم مالهمش دين ولا مله؟
مع ان فيه مسلمين مش حافظين غير الفاتحه
و لو سالتهم عن اركان الاسلام مش هايردوا؟؟
~~~~~~~~~~~~~~
طيب انت بقى ليه مش بتقول ان بلدهم نضيفه
و مش بتقول ان بلدنا مليانه زباله ؟؟
~~~~~~~~
ليه مش بتقول عليهم عقول مفكرة و سبقت العالم كله بفكرها ..
مع ان احنا الاغلبيه العظمى مش بتفكر غير فى الكورة و الماتش الجاى و الرهان و اللى يكسب؟؟
~~~~~~~~~~~~
ليه مش بتقول عليهم منظمين و بيحترموا البشريه
فى حين ان انت مش بتحترم اى حاجه غير مصلحتك و مش بتفكر غير فى نفسك و بس!!
~~~~~~~~~~~~
لو ركزنا حبه فى حال الاجانب دول هاتلاحظ ان هم بينفذوا معظم الشريعه الاسلاميه من غير ما يكونوا مسلمين ... و اهم حاجه بيحترموا البشريه...
و الله عيب علينا احنا المسلمين و مش عارفين نبقى مسلمين بجد...
ليه مش بتفكر فى نفسك قبل ما تفكر فى غيرك؟
ليه دايما بتحاول تنفى الوحش عنك و تنفى الحلو عنهم ؟
ليه مش ناوى تتعلم منهم ؟
ليه مش ناوى تبدأ بنفسك ؟
هاتتغير امتى؟؟
عايز كام ثورة علشان تتغير من جواك ؟
ليه ما تخليش قاعده دستورك فى الحياه هى
( الاعتراف بالحق فضيله)؟
ليه دايما باصص لغيرك و مش بتبص لنفسك ...
دايما شايفين اننا الصح و هم الغلط..
و لو ده اللى هايحصل ف الايام اللى جايه .. يبقى فعلا
(عليه العوض ف البلد دى)