للكوسه فى بلادى شئون

للكوسه فى بلادى شئون

بتخلي المسنود فرعون

يتفرعن فين مهما يكون

وتخلي الجاهل أستاذ

والأعرج لاعب جمباز

وتخلي الأحول هداف

والكوره الآوت ف الجون

للكوسه ف بلادي شئون لو تعرف واحد ف الشرطه

راح تخرج من أجدع ورطه والراجل اللي انت ظلمته

تلاقيه متلقح مسجون

أو تعرف شخصيه كبيره

شغاله ف البنك مديره

راح تاخد من غير ضمانات كام قرض بمليون مليون

وهروبك طبعا مضمون

ويا عيني لو تعرف نايب ف المجلس مش نايب خايب

راح تبني أبراج وهميه أوراقها مظبوطه أكيد

وفلوس الناس المهريه

هحتجيلك م الجيب للإيد

بعديها تروح المستشفى وتقيد نفسك مجنون

أحكامك تسقط ف ساعتهابعديها ترجع موزون

ويا عيني لو تعرف شيخ فجنابك طاهر علطول

وصيامك طبعا مقبول

وإذا فرضا حبيت تتجو زتتجوز من غير مأذون

وإذا ساكن ف عماره جديده

وحبيبك راجل مسئول

فسيادتك من غير ما تقول

يركب لك فورا تليفون

ولو انت عندك عربيه

ونمرها سوده بنسرين

حتعدي أجدعها كمين

وحتكسر أوضحها إشاره

ماهو نمرك سوده جباره

ولا تعرف أيتها قانون

ولو انت بتعرف فرّان

أو واحد بياع جرنان

راح تاخد طلبك وحتمشىى من غير ولا دوشه ولا دور

والناس الغلبانه حتاخدطلباتها بعدك وتغور

ماهو كله غيرك بيهون

ولو انت زميل الحلاق

راح تحلق اولها زبون

وإذا كنت بتعرف دكتورحتعيش متطمن مسرور

وحتسلك ف لجان الشفوي

ومجال تعيينك موفور

وحتطلع فالتليفزيون

بالبدله وفيها الببيون

تتكلم وبكل بساطه

عن شرف المهنه المدفون

لكن لو شاعر غلبان

قلت اللي ف نفسك على طول

يقولو مين قال لك قول

الكوسه فى كل مكان

فى اوربا

من لندن حتى اليونان

مش بس فى بلدك يا عيونى

وحتلاقيها فى امريكا كمان

بس متسبكه وقانونى

تسلم الأيادي

الناس تعبانة بجد

ربنا يسترها في الايام الجاية

أن شاء الله بلدنا هتبقي كويسة لانها مصر

اختك موحه

ميرسى لردك ياموحه

ماشاء الله

على فكرة لو أنحبستي مليش دعوة

نحن موقع ديمقراطي وملناش أي صلة لا بالحكومة ولا بالكوسة

شكرا يامنوليزا

ههههههههههههه

ماشى ياهيمه هاتخلع يعنى ماكانش العشم

بس انا اصلا ماليش فى الكلام ده

اانا برائه

لا لا

انا هشهد معاك ياهيمه انها هيه الي كاتبة الموضوع

ملناش دعوة بيها ياهيمه

ياخبر ابيض

اتنين بيبعونى مره واحده ..كان كفايه واحد

حتى انتى ياموحه ...مش قادره اصدق ان انتى تبعينى

انا هاعيط......وااااااااااااااااء

انتوا وحشين زعلانه منكم انتوا الاتنين

فى حد ناوى يبيع تانى؟؟؟؟ Sad

قبل مانبيعك ياموناليزا

بكام كيلو الكوسة

على حسب سعرها نشوف نقف معاكي او ضدك

واااااااااااااااااااااااااااااااااااء

انتى وحسه ياموحه ...مخامصاكى