هتعملي ايه لو مخطوبه لواحد زي ده ....؟

خطيب بارد جدا جدا

هو وهى مشيين على الكورنيش .. الجو حار .. الشمس محرقة

هي : عطشانة .

هو : وأنا كمان .

هي : يعنى ... عايزة اشرب!

هو : أكيد مادام عطشانة يبقى عايزة تشربي .

هي : المفروض – بما أن عندك إحساس يعنى – إني لما أقولك عطشانة تجيب ليا حاجة ساقعة .

هو : ومين اللي هيحاسب ؟؟

هي : أنت طبعاً .

هو : منين ياحسرة .. ماانتى عارفة الكانز وغطاه .

هي : ماقلتش عايزة كانز .. كفاية إزازة صاروخ .

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك .

هي : قصدي تعزمنى في مكان شاعري .

هو : في الحر ده .. ماينفعش .

هي : بلاش دى .. نأخد مركب عالكورنيش .

هو : المراكب بتغرق اليومين دول .. خلينا ع البر أحسن .

هي : بلاش المركب تعالى نأكل ترمس .. أظن ده رخيص .

هو : إنتى تضمني منين إن الراجل غاسل إيده وغاسل الترمس

هي : أعوذ بالله .. إنت مقفلها كده ليه ؟؟

هو : بصراحة معييش فلوس .

هي :يا سلام!! .. ماأنت كان معاك إمبارح .

هو : إمبارح دخلت السينما مع بنت حلوة كده فالفلوس خلصت

هي : بنت حلوه ؟؟!! وبتقولها في وشى .
هو : أكذب عليكى يعنى .

هي : لأ .. تحرق دمى أحسن .
هو : أنا مش شامم ريحه شياط يعني .

هي : يخرب بيت البرود .

هو : برود إيه ؟؟ ماهو الجو مولع أهو .

هي : إنت اللي بارد .

هو : بارد إزاى ؟؟ دا أنا بشُر عرق .

هي : بقولك إيه .. روحنى .
هو : أروحك ؟! هو إنتى ماتعرفيش تروحي لوحدك .

هي : آآآآه .. طب أنا ماشية .

هو : ليه يا حبيبتي؟؟

هي : حبك برص .

هو : والله البرص بيفهم عشان حبني.

هي : بجد كده كتير .

هو : كتير إيه ؟؟

هي : إرحمنى .. واضح إن الحر بيجى معاك بالعحرام عليك.. يا بارد

هو : يعنى مصممة تمشى ؟؟

هي : أيوة وحالاً كمان .

هو : طب استني لما نوصل آخر الشارع .

هي : اشمعنى ؟؟

هو : أصل أنا ساكن هناك .. و مايرضكيش أروح لوحدى .

هي : لااااااااااااااااااااااا

هو : ينفع كده ترمي نفسك في الميه مين هايوصلني بقى

هههههههههههههه جامده أوى أنا دحكت كتير أوى
ايه البرود ده الواد ده نرفذنى جدا هو فيه حد كده ياناس
هههههههههههه
طب خلو بالكو بئا يابنات علشان ماتقعش الفاس فى الراس وترمو نفسكو من البلكونات
موضوعك جامد

ههههههههههههه

اشكرك على المرور

انا لو منها هارميه هو فى الميه واريح منه بنات حوا

طيب ادعولى بئا أصل عندى امتحان بعد 5 دقايق وربنا يستر أصل الامتحان ده غالى ب 50 دولار
بصراحه معنديش استعداد أدفعهم تانى
ربنا يستر أصل بدأت أخاف

لا ركز كده وهدى اعصابك

ان شاء الله تحل كويس ويجى سهل

ربنا معاك .......بالتوفيق

الحمد لله نجحت هييييييييييييييه
جبت 953 من 1000
بس للأسف هدخل واحد تانى دلوقتى [ندعوك للتسجيل في المنتدى أو التعريف بنفسك لمعاينة هذه الصورة]
معلش بئا اتعبو كمان مره وادعولى

السلام عليكم

ههههههههههههههههههههههههههههههههههههههههههههههههههههههههه

جامده جدا

يسلمووووووووووووووووووووووووو

وعليكم السلام

تسلمى ياقمر..ِشكرا للمرور [ندعوك للتسجيل في المنتدى أو التعريف بنفسك لمعاينة هذه الصورة]

» لوكنتي مخطوبه ابوس رجليكي ادخلي
» ادخل بسرعه واحجز كرسى لواحد بتحبه اوى لدرجه انك مش طايقه