عارف ياحبيبي لما أكون وياك
بحس إني طير في سماك
رفرف جناحه لما لقاك
عاشق حياته كلها هواك
مسألتش نفسك ليه ياملاك
لأن لقاك لمسة حياة
لأن هواك نبع الحياة
حياة بين قلبين هتكمل لو أجتمعو حبيبين
ملخصها ياحياتي في كلمتين
*** أنت الحياة ***
كانت جوايا من زمان
بعد ماعشت في بعادك أيام
عايش كأني غصن دبلان
محتاج لمسة حياة ترجعه أنسان
ترجعه من تاني عاشق ولهان
حياة كلها في حب أنسان
في حبه صحي الوجدان
خلاني أعزف فيه الأنغام
أرسمه بريشة فنان صورة جمالها غطي الأنام
مسألتش نفسك ليه ياملاك
لأن حبك هو الحياة
لأن قربك لمس أيديك ... حياة ...
لأن كلك بيمطرني حياة
القطرة منها بتروي الشفاه
يعني ليك ياروحي هكون نسمة
محوطاك من كل ناحية
حالفة ما تسيبك ثانية
وإزاي
والثانية في قربك نعمة
نعمة وهبهالي ربي في دنيا
مالقيت فيها غيرك ياقلبي بيرسملي بسمة
بسمة حب للأبد هتفضل دايمه
بين قلبين بروح واحدة
مسألتش نفسك ليه ياملاك
لإنك أنت الحياة
حياة ياقلبي رسمتهالك في غنوة
مالقيت فيها غيرك أنت
كلامها كله بيحلف أنك الأحلي
ومن غيرك ياعمري حياتي ما تحلي
لأنك الروح اللي ساكنة فيا
ما تحرمني منها ولو لثانية
لإنك
*** أنت الحياة ***
المدينة
موضوع: إنــت الحـــياة 
