سندريلا عضو جديد
البلد : عدد المساهمات : 15 نقاط : 5288 0 تاريخ التسجيل : 10/12/2009 العمر : 34
| موضوع: رباعيات جاهين الجمعة ديسمبر 11, 2009 5:23 am | |
| خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!! _____________________________________________
ضريح رخام فيه السعيد اندفن
و حفره فيها الشريد من غير كفن
مريت عليهم .. قلت يا للعجب
لاتنين ريحتهم لها نفس العفن
عجبي !!! ____________________________________________
ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي !! ____________________________________________
و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
عجبي !!!
___________________________________________
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!! ___________________________________________
يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!! ___________________________________________ | |
|
monaliza المديرة
البلد : عدد المساهمات : 2289 نقاط : 8664 21 تاريخ التسجيل : 15/08/2009 العمر : 35 المدينة : salehya.yoo7.com
| موضوع: رد: رباعيات جاهين الجمعة ديسمبر 11, 2009 6:24 am | |
| | |
|