المشاكل الشائعة فى الكمبيوتر واقتراحات لحلولها** الجزء الأول**

<< بسم الله الرحمن الرحيم>>

بصو ياجماعه موضوع مشاكل الحاسب ده مش المهم انك تعرف حل المشكله الأهم انك تحدد المشكله وتحلها بسرعه وبمجهود أقل
هقول لحضارتكم أنا بقول كده ليه لأن وارد جدا يبئا فى مشكله فى الجهاز والسبب ممكن يكون أكتر من حاجه هقول مثال علشان الناس تفهم بسرعه
مثلا أحيانا الجهاز ممكن يكون قاطع داتا يعنى بتضغط على زرار الباور بيفتح بس مش شايف حاجه على الشاشه والمشكله دى ليها أكتر من سبب
يعنى ممكن الرام وممكن يكون الباور سبلاى وممكن يكون الماذربورد (البرده) يعنى
هنا بئا الخبره والذكاء انك تتشيك (تفحص) أولا على الحاجه اللى اللى المفروض تبدأ بيها وبطريقه صحيحه لأنك بعدها هتفحص حاجه تانيه لو العيب
مش من الأولى (طبعا فى ناس متخيله اللى أنا بقوله ده كيمياء ) مش هطول عليكو وهندخل فى المفيد علشان ماتملوش.

*** أيضا" ممكن تكون من المشترك اللى عليه الكابلات بتاعة الجهاز والشاشة إما ضعيف
ومش متحمل لطول سلكه مثلا" أو لردائة نوعه أو الحمل عليه تقيل جدا طبعا هتغيره أكيد .


*** وممكن تكون المشكله من زرار الريستارت ممكن يكون بيعلق وأقل هزه بتأثر عليه طيب
لو فعلا كده وقرفك فى حل إنك تفصله من البرده وتريح دماغك طب ازاى تفصله

بص فى البرده هتلاقى مكان كده راكب فيه أربع كابلات صغيرين لونهم أسمر ومكتوب عليهم

Power SW , Reset SW , Power LED , Hd LED

الأول مسئول عن لمبة الهارد اللمبه الحمراء والتانى لمبة الباور اللمبه الخضراء والتالت مسئول عن
زرار الريستارت والرابع مسئول عن زرار الباور يبئا هتشيل الكابل المسئول عن الريستارت وتعيش على زرار الباور بس .


*** وممكن تكون من الرامه طبعا" أكيد عارفين شكلها (هى
شريحه مستطيله مثبته على البرده بكلبسين من الجنبين) فى الحاله دى هتشيل الرامه
وتمسحها وخاصة الجزء النحاسى اللى راكب فى البرده بدون أى سوائل ومن الأفضل يكون
عندكو سبراى بتاع التنظيف وده رخيص جدا لو موجود يبئا تستخدمه على الجزء النحاسى
ده وأيضا مكان الرامه اللى موجود فى البرده وتستنى لما يجف وبعد كده ضع الرامه
مكانها وشغل الجهاز بس خدو بالكو اوعى حد يحط الرامه بالعحرام عليكهتتحرق مباشرة وربنا
يستر على الكل .


*** وممكن يكون فى احتمال إن المشكله هاردوير مثلا فى
الباور سبلاى لو فيه مشكله ما أو فى البرده وده عادة بيكون فى المكثفات المثبته على
البرده اللى موجوده فى دائرة التبريد المحيطه عادة بالفانه ودى بتبان عيوبها بمجرد
النظر يعنى ممكن تلاقى المكثف منتفخ من الأعلى أو مفرقع أو عليه سوائل وده ممكن
تغييرة من نفس نوعه يعنى نفس الجهد وشدة التيار بكاوية لحام وياريت أفضل يركبه فنى
صيانة .


*** وممكن تكون أسباب أخرى هجملها مع بعضها كده وبسرعه ( الريستارت بعد فتح الويندوز )

وارد العيب ان الويندوز ضرب أو إن فى برنامج أوتعريف

.(not compatible ) غير متوافق مع الجهاز أو غير متوافق مع الويندوز





كفايه كده النهارده أصل أنا زهقت من التفكير نكتفى بأول مشكلة
وشرحها بطريقه مختصره على وعد إنى أكمل باقى المشاكل بإذن الله فى الأيام القادمه.




أسأل الله تعالى أن يرزقنا الاخلاص في القول والعمل ولا تنسونا من صالح الدعاء دعوه صالحه من القلب بظهر الغيب

Eng_Okaily

ICDL / A+ / N+ / MCP / MCSA / MCSE / MCITP / CCNA Instructor