الحب بيعمل دماااااااغ

[ندعوك للتسجيل في المنتدى أو التعريف بنفسك لمعاينة هذه الصورة]

الحب شىء جميل جدا فى بدايته أحاسيس جميلة و سعادة و تألق لأقصى حد فى كل
شىء .. الخطوة الثانية إضطرابات فى النوم و عدم رغبة فى الأكل و تسارع فى
ضربات القلب تصاحبها آلام فى المعدة .. و مع تطور الحالة يبدأ الحب فى
مهاجمة مخك و تدريجيا تلاحظ حالة تشتت و بله ملحوظ تبدأ فى التخييم على مخك
و تتجسد فى كل تصرفاتك .. مش عارف تركز و لا حتى تفكر فى أى شىء خاصة
عندما تقابل حبيبك .. تقول كلمتين .. بعدها يطير كل الكلام .. تحاول
التذكر.. مخك رايح جاى .. كلمة ثم صمت ثم لعثمة يعقبها شرود ثم إنصراف!
إيه
إللى أنا باقوله ده ! حاسس إنك عبيط و أكيد حبيبك قال عليك معتوه .. لكن
إطمن .. دى حالة شائعة جدا فى الحب و ناس كتير عانت من نفس المشكلة و شعرت
بنفس الهبل تقوللى ما انا عارف بس المشكلة فى حبيبى و الفكرة إللى أخدها
عنى .. أقولك إهديله أغنية لما بتكون بعيد باحضر كلام أقوله و أما بتكون
قريب بتنسينى اليوم بطوله و لا باعرف أتكلم و يا دوب كبيرى أسلم .. يا عمرى
و الله لما أشوفك بانسى الدنيا دى ، بانسى الكلام إللى أنا قايله حتى
الغرام إللى أنا شايله.. ليتأكد إنك طبيعى و كل دى مجرد أعراض جانبية للحب
عند كل الناس .. لكن هل تعرف سبب التشتت و النسيان و عدم القدرة على
التفكير ، و الهبل الذى تشعر به فى حالة الوقوع فى الحب؟!
بيقولك
إكتشفوا إن الحب يؤثر على نشاط المخ و يقلل القدرة على التفكير بشكل عام ده
غير المناطق التى يصيبها الشلل التام و هى المناطق المسئولة عن الإنتقاد و
التقييمات السلبية حيث تتوقف عن العمل تماما .. و لهذا قالوا زمان إن الحب
أعمى لأننا عندما نحب نرى من نحب أعظم حد فى الدنيا و خاليين من العيوب..
ده
غير تأثيره على المناطق المسئولة عن الذاكرة و التركيز .. عشان كده لما
أبويا يقول فنجان قهوة بأعمله شاى و فى الآخر باديه لأمى .. و أراهنكوا إن
شادية فضلت تصب فى الشاى لحد ما إتدلق من الفنجان على الصينية على الأرض ..
و بيقولك كمان إن الحب له نفس تأثير تعاطى المخدرات على المخ بعد تصوير
المخ بالرنين المغناطيسى حيث لوحظ أن الحب يؤثر عليها مثل تعاطى المخدرات
يعنى لو لاحظت حد مسطول مش ضرورى يكون ضارب ممكن يكون واخد جرعة حب زيادة..
و أحسنلك بكتير إنك تضرب حب بدل ما تضرب مخدرات على الأقل الحب أوفر و ألذ و له نفس التأثير و جايز أكثر كمان..
لكن الكارثة إن الأمن يدرج الحب ضمن قائمة الممنوعات و الحب ما يتعرفش غير بروشته من الطبيب.
و
لما تقابل حبيبك بدل ما تقول له الحب الحب .. الشوق الشوق تقول له إنت
أحلى جوينت فى حياتى و لما بشوفك الطاسة بتتعمر كأنى ضربت خلطة منوعات.
كل هذه التأثيرات أثبتتها عدد كبير من الدراسات التى أجريت فى بريطانيا و أمريكا.
الخطر
الحقيقى إن الحالة تقلب على جنان خاصة عند الناس إللى عايشة الدور صح و
عندها ضمير فى الحب و وصلت لدرجة عدم القدرة على التفكير و لنا فى قيس
مجنون ليلى خير عبره ، الحب فضل يمسح فى دماغه .. يمسح فى دماغه لحد ما
خلاها أبيض يا ورد..
فى النهاية قدامك طريقين .. الأول إنك تنفض الحب
خالص و تحافظ على مخك و صحتك على أساس إنهم أنفعلك .. الطريق الثانى إنك
تحب بجد و تضحى بعقلك فى سبيل إستمتاعك بالحب

منــــــقــول
ايــااااااااااكم والحــب
قـد أعذر مـن أنـذر

هههههههههههههههههههههههههههه

مقال ماأحلاه ....يجنن

اللى عاش الحب وسعادته اكيد مش هايرضى عنه ببديل

ماقيش حلاوه من غير نار هانعمل ايه بس

الحب ماأسعده وماأشقاه.... بس على مانقدر بنتمنى سعادته بأكبر قدر ممكن

الله يوفق الجميع اللى بيحب حب حقيقى

شكرا مونى ..تحياتى لكى ...موضوع راااااااااائع

والله عندك حق يا موناليزا
مافيش حلاوه من غير نار
ومع ان ناره بتلسع اوى
بس مانقدرش نستغنى عنها
مااا باليد حيلة
ميرسى اوى على كلامك الجميل ياقمر

كلام جميل اوى..هى دى الدماغ ولا بلاش

شكرااااااااااا مونى..

ميرسى لمرورك وردك

الحب حالة جميلة بتسيطر على كل جوارحك

بس إذا كان الحب صادق وبعد الطرفين عن بعض فأكيد الولد بينجرح ذي البنت ويمكن أكتر كمان

المهم ايه الدافع وراء بعدهم

لكن أذا كان الحب من طرف واحد فأكيد الطرف هو الي بينجرح والتاني بيكون بيهزر وبس وبيعب

أتمنى لانتسرع في مشاعرنا ولا نتسرع في الحكم على الأخرين

لأن في ناس بتبعد غصب عنها لانها باصة لقدام ويمكن شايفة أن المضوع مش هيكمل

وشكرا

شكرا لردك يا هيمه

مع احترامى لرأيك وموقفك

بس اعتقد ان المفروض الطرف اللى يبعد حتى لو كان غصب عنه

لازم يكون البعد ده قبله حوار ومناقشة بين الطرفين

ولو محصلش كده يبقا اسمه هروب

مهما كان الدافع لابد من الحوار

انا من مكاني هذا أناشد الطرفين

أني يجلسوا على طاولة الحوار ويقعدوا على مستوى القاعدة

وكلام كبير بقي وكده يعني

حد فاهم حاجة من كلامي

اكيد لاء

انا اختكوا بقي واستحملوني

انا عن نفسي مش فاهمة حاجة

ههههههههههه

والله عسل ياموحه

قولتى اللى كان فى قلبى بالظبط

شكرا لمرورك وتعليقـك ياقـمـر

ههههههههههههههههه

عسل ياموحه

» الحب♥
» ّّ**الحب**
» الحب ألم
» ما هو الحب
» الحب