ليه أحنا متأخرين
وكلنا للأسباب عارفين
بس مستهبلين
ووقتنا كله مضيعين
وإحنا على الكافيهات قاعدين
وللشيشة والمعسل شاربين
والبنات والولاد لبعض معلقين
والرجالة والستات جوازات عرفي ضاربين
وعندنا مدارس وجامعات كتير بس مش متعلمين
وفاشلين
جاهلين
وجوامع وكنائس كتير بس مافيش دين
ونطلع من الصلاة نتخانق ونسب لبعض الدين
والمسلمون يكرهوا المسيحيين ويحرقوا البهائيين
والمسيحيين للاثنين مش طايقين
وعندنا ناس بتسأل ندخل الحمام بالرجل الشمال ولا اليمين
ورجالة وستات بيحلفوا أنهم للجن متجوزين
ومخلفين
متخلفين
وعندنا بردى طويل بس عطشانين
وأرض خضراء مزروعة بس جوعانين
والخضار والفاكهة الحمد لله متسرطنين
وفي أنفلونزا الطيور طلعنا علي العالم التالتين
ودفنا الخنازير حية والأنفلونزا مش لاقيين
حتي السمك مسمم جبناه من الفلبين
وبقينا خلاص نباتيين
ومش لاقيين
وعندنا رئيس وزراء سمين
وإحنا ساكتين
وعلى بعض بس متفالحين
وعلى الغلبان بس نعمل جامدين
ولو عسكري المرور كلمنا ننزل نديله قلمين
لكن لو ضابط أمن نقول له آمين
وندفع المخالفة حتي لو مش غلطانين
ونضحك في وجه بعض وأول مانمشي نروح شاتمين
وكلنا نقول لبعض أنت عارف بتكلم مين
3/4 البلد بيتكلموا في الموبايل وهما شحادين
والربع مساطيل
بس سيبك أنت احنا ناس طيبين
وربنا ساترها وماشيه بدعاء الوالدين
وصدقني حانفضل كده علي طول وليوم الدين
موضوع: سؤال بيسأله كل السوريين