شابه بجوز خلاخيل

شابه بجوز خلاخيل

[ندعوك للتسجيل في المنتدى أو التعريف بنفسك لمعاينة هذه الصورة]

زمن زمان ولى

بس اللى فاتها قليل

ما الشابة متصيغة

بجوز من الخلاخيل

ترن الخطوة منها

بتفوق المساطيل

شافوا يوم ضحكتها

الكل ف هواها قتيل

السن أبيض لولى

والورد ع الخد يميل

و لو يسمعوا صوتها

يغنو لها بالمواويل

الناس تقول ياصبح

و عشاقها نهارهم ليل

و لما التاريخ انكتب

و كان له ف يوم صوره

منديل بأوية اتربط

و حز .. عاالقورة

يا بياعين الهوا

دى دنيا معمورة

معروفة من وقتها

قصتها مسطورة

فوق جدار الغرام

ف قلوبنا محفورة

مفضحوين بهواها

و هى مستورة

محروسة كان اسمها

ولا شلبية

و هى من وقتها

شابه.. معجبانية

دايرين يخطبوا ودها

و ودها .. ليه

فاكرين نسلها أنقطع

ومالها…. ذرية

حطوا المهور ..

ماس ..دهب

و قلوب مرمية

ياخطابين الود ..

دا ودها .. قضية

حكم لى فيها القدر

حبها ليه

عاشق ومغرم بيها

والعشق ملاغية

حا فضل أغنيها موال

وموالى بقى هي

ومهما يقول الناس

العقل منه ذهب

ومجنون لبهية

————————————

الله على اختياراتك يا موناليزا حلوة اوى اوى اوى
بجد زوق راااااااقى جدا
اكتر من رائع

ميرسى ياقمر

تسلميلى

شكرا مونليزيا على مجهودك الرائع

العفو ياهيمه ..ربنا يباركلنا فيك.